SAHAR

ہندوستان میں پاکستان کے سفیر نے کہا ہے کہ اسلام آباد کسی بھی ملک کے سلسلے میں دشمنانہ پالیسیاں نہیں رکھتا

ڈان نیوز کی رپورٹ کے مطابق ہندوستان میں پاکستان کے سفیر عبدالباسط نے اتوار کو نئی دہلی میں پاکستان کے یوم دفاع کی مناسبت سے منعقدہ ایک تقریب سے خطاب میں کہا کہ انیس سو پینسٹھ میں دو پڑوسی ملکوں کے درمیان جنگ سے پتہ چلتا ہے کہ پاکستان کے عوام، بیرونی جارح طاقتوں کے مقابلے میں وطن کا دفاع کرنے کے لئے پرعزم ہیں-

 عبدالباسلط نے اس بات کا ذکر کرتے ہوئے کہ پاکستانی عوام اپنے ملک کے دفاع کے لئے قربانی دینے کے لئے تیار ہیں، کہا کہ افواج پاکستان نے جنگ میں غیر معمولی جرات و بہادری، جذبے اور وطن پرستی کی مثال قائم کی، انکا کہنا تھا کہ ہم امن پسند ہیں کسی بھی ملک کے خلاف جارحانہ عزائم نہیں رکھتے، لیکن پاکستان  کے ایک ایک انچ کی حفاظت کرنا ہم پرفرض ہے-

عبد الباسط نے کہا کہ اگر کشمیر کا مسئلہ حل ہو جاتا تو ہمارے سارے مسئلے حل ہو چکے ہوتے۔ عبد الباسط نے کہا کہ دونوں جانب جنگ کے بجائے امن کی بات ہونی چاہیے۔