کراچی میں قانون نافذ کرنے والے اداروں کی کارروائی، نو ملزم گرفتار، سو مشتبہ افراد زیر حراست
-
قانون نافذ کرنے والے ادارے کے اہلکاروں نے کارروائی کرتے ہوئے متعدد مشتبہ افراد کوگرفتار کرلیا ہے۔
پاکستان کے معروف شہر کراچی میں سیکورٹی اہلکاروں کی کارروائیوں میں نو ملزم گرفتار اور سو مشتبہ افراد کو حراست میں لے لیا گیا ہے-
کراچی پولیس کے مطابق لانڈھی اور کورنگی میں گھر گھر تلاشی کے دوران سو مشتبہ افراد کو حراست میں لیا گیا، زیر حراست افراد میں چار خواتین بھی شامل ہیں جن سے تفتیش کی جا رہی ہے ۔
دوسری جانب بلدیہ ٹاون اور ملیر ہالٹ کے قریب قانون نافذ کرنے والے ادارے نے خفیہ معلومات کی بنیاد پر کارراوئیاں کرتے ہوئے دو ملزموں کو گرفتار کر لیا۔ ملزمان کا تعلق دو الگ الگ سیاسی جماعتوں سے ہے ۔
لیاری نوالین میں بھی قانون نافذ کرنے والے ادارے کے اہلکاروں نے کارروائی کرتے ہوئے گینگ وار عزیر بلوچ کے ملزم میرو بلوچ کو گرفتار کر لیا، جو قتل سمیت جرائم کی وارداتوں میں ملوث ہے۔ لانڈھی یوسی چوالیس میں پولیس مقابلے کے دوران دو ملزموں کو زخمی حالت میں گرفتار کرکے اسلحہ برآمد کیا گیا ۔
