SAHAR

پاکستانی فوج کے سربراہ جنرل راحیل شریف نے تیرہ دہشت گردوں کی سزائے موت کی توثیق کردی ہے۔

پاکستانی فوج کے شعبہ تعلقات عامہ کے بیان میں کہا گیا ہے کہ ان دہشت گردوں میں نانگاپربت پر غیر ملکی سیاحوں کو قتل کرنے والے دہشت گرد اور سیدو شریف ایئر پورٹ ، اسکولوں ، مسلح افواج اور شہریوں کو نشانہ بنانے والے دہشت گرد بھی شامل ہیں -

بیان میں کہا گیا ہے کہ سزا پانے والے دہشت گردوں کا تعلق کالعدم تحریک طالبان پاکستان سے ہے -

پاکستانی فوج کے شعبہ تعلقات عامہ کے مطابق سزائے موت پانے والے ان دہشت گردوں کے خلاف فوجی عدالتوں میں مقدمات چلائے گئے -