سرحدوں کے دفاع کے لیے ہر ممکن اقدامات کیے جائیں گے: پاکستان
Jun ۰۷, ۲۰۱۶ ۲۰:۱۷ Asia/Tehran
پاکستان کے مشیر برائے امور خارجہ سرتاج عزیز نے کہا ہے کہ ملک کی سرحدوں کے دفاع کے لیے تمام ممکن اقدامات کیے جائیں گے۔
سینٹ کے اجلاس میں بیان دیتے ہوئے سرتاج عزیز نے ایک بار پھر اپنے ملک کے اس موقف کا اعادہ کیا کہ امن کی خواہش کو پاکستان کی کمزوری نہ سمجھا جائے۔ انہوں نے کہا کہ پاکستان اپنی سرحدوں کے دفاع کے لیے تمام ممکن اقدامات کرے گا۔
ہندوستان کی جانب سے انٹرسیپٹیو میزائل کے تجربے کی جانب اشارہ کرتے ہوئے پاکستان کے مشیر خارجہ نے الزام لگایا کہ ہندوستان ہتھیاروں کی دوڑ کے ذریعے خطے کو نیوکلیرائز کرنا چاہتا ہے۔
سرتاج عزیز نے مزید کہا کہ ہم نے سفارتی سطح پر نیوکلیئر سپلائی گروپ کے تمام ممالک کو ہندوستانی عزائم سے آگاہ کیا ہے۔
انہوں نے کہا کہ ہندوستان کو نیوکلیئر گروپ کا رکن بنانے کے لیے کوئی رعایت نہیں دی جاسکتی۔
