SAHAR

پاک افغان سرحد پر کسی بھی ناخوشگوار واقعے سے قبل ضلعی انتظامیہ نے سرحد پرواقع تمام دیہاتوں کو فوری طور پر خالی کرنے کا حکم دے دیا ہے۔

پاکستان اور افغانستان کے اعلٰی فوجی حکام کے درمیان باب دوستی پرفلیگ میٹنگ کسی نتیجے کے بغیرختم ہونے کے بعد جہاں مشترکہ بارڈر بدستور تیسرے روز بھی بند ہے وہیں چمن شہر کے ڈپٹی کمشنر قیصر خان کے مطابق کلی جہانگیر، کلی لقمان، گل دارا باغیچہ سمیت تمام سرحدی دیہات کے مکینوں کو لاؤڈ اسپیکرز کے ذریعے اور پمفلٹ تقسیم کرکے ہدایت کی گئی ہے کہ وہ فوری طور پر اپنے علاقے چھوڑ کر محفوظ مقامات پر منتقل ہو جائیں۔

ذرائع کے مطابق پاک افغان کشیدگی پر آج بھی پاکستان اور افغانستان کے اعلٰی فوجی حکام کے درمیان فلیگ میٹنگ ہونے کی توقع ہے۔