باب دوستی سرحد کھول دی گئی
May ۲۷, ۲۰۱۷ ۱۳:۵۲ Asia/Tehran
پاکستان نے کہا ہے کہ احترام رمضان اور جذبہ خیر سگالی کے تحت باب دوستی کو آج کئی روز کی بندش کے بعد دوبارہ کھول دیا ہے۔
تفصیلات کے مطابق پاکستان آرمی کے کرنل عثمان کے مطابق باب دوستی سرحد رمضان کے احترام میں کھولی گئی ہے جس کے بعد دو طرفہ تجارت اور پید ل آمد و رفت کا آغاز کردیا گیاہے۔
کرنل عثمان کا کہنا ہے کہ سرحد کھولنے کے ساتھ ایف آئی اے کے امیگریشن اور کسٹم آپریشن کو بھی بحال کردیا گیا ہے۔
واضح رہے کہ چمن میں افغان فورسز کی جانب سے فائرنگ کے واقعے کے بعد 2 مئی کو باب دوستی کو بند کردیا گیا تھا جسے آج 25 دن کے بعد دوبارہ کھول دیا گیا ہے۔
