SAHAR

پاکستانی بحریہ نے شمالی بحیرہ عرب میں فضا سے سطح سمندر پر مار کرنے والے جہاز شکن میزائل کا کامیاب تجربہ کیا۔

میڈیا رپورٹوں کے مطابق یہ میزائل تجربہ پاکستانی بحریہ کے سربراہ ایڈمرل ذکاء اللہ کی موجودگی میں کیا گیا۔
رپورٹوں میں بتایا گیا ہے کہ جہاز شکن میزائل کا یہ تجربہ سی کنگ ہیلی کاپٹر سے کیا گیا، جس نے سمندر میں کامیابی سے اپنے ہدف کو نشانہ بنایا۔
عسکری ذرائع کا کہنا ہے کہ میزائل کے اس تجربے سے ممکنہ خطرات کے مقابلے میں پاکستان کی دفاعی توانائیوں میں اضافہ ہو گا۔
رواں برس مارچ میں بھی پاکستانی بحریہ نے زمین سے سطح سمندر پر مار کرنے والے ایک میزائل کا کامیاب تجربہ کیا تھا۔
 واضح رہے کہ پاکستانی فوج اپنی دفاعی اور حربی طاقت میں روز بروز اضافہ کر رہی ہے تاکہ اپنے طاقتور ہمسایہ ملک ہندوستان سے پیچھے نہ رہے۔