پاکستان، کالعدم تنظیم کے 2 دہشت گرد ہلاک، 3 گرفتار
سی ٹی ڈی نے گجرات میں کارروائی کرتے ہوئے کالعدم تنظیم کے 2 دہشت گردوں کو ہلاک کرکے اسلحہ و بارود برآمد کر لیا ہے
تفصیلا ت کے مطابق کاؤنٹر ٹیررازم ڈیپارٹمنٹ(سی ٹی ڈی ) کے اہلکاروں نے رات گئے گجرات کے علاقے گورالی میں دہشت گردوں کی موجود گی کی اطلاع پر چھاپہ مارا تو دہشت گردوں نے پولیس پر فائرنگ کردی ، سی ٹی ڈی اہلکاروں کی جوابی فائرنگ کے نتیجے میں 2 دہشت گرد موقع پر ہلاک جبکہ ان 3 ساتھی اندھیرے کا فائدہ اٹھا کر فرار ہونے میں کامیاب ہوگئے ۔
پولیس نے ہلاک ہونے والے دہشت گردوں کے قبضے سے اسلحہ اور بارود برآمد کرتے ہوئے فرار ہونے والے ملزمان کی گرفتاری کے لئے علاقے میں سرچ آپریشن شروع کر دیا ہے ۔
دوسری جانب ملتان میں مظفر گڑھ روڈ پر سی ٹی ڈی نے کارروائی کی اور تین دہشت گردوں کو گرفتار کر لیا۔ سی ٹی ڈی حکام کے مطابق گرفتار دہشت گرد مذہبی جماعت کے اجتماع کو نشانہ بنانا چاہتے تھے۔ گرفتار دہشت گرد بارود اور بم بنانے میں مہارت رکھتے ہیں جبکہ ان کا تعلق کالعدم تنظیم سے ہے۔
