اٹھارویں آئینی ترمیم کے معاملے پرفل کورٹ بنانے کی اپیل مسترد
Jan ۰۴, ۲۰۱۹ ۱۵:۲۵ Asia/Tehran
پاکستان کی سپریم کورٹ نے اٹھارویں آئینی ترمیم کے معاملے پر فل کورٹ بنانے کی اپیل مسترد کر دی۔
اسلام آباد سے ہمارے نمائندے کے مطابق سپریم کورٹ کی تین رکنی بینچ نے اٹھارویں آئینی ترمیم کے بارے میں پیپلز پارٹی کے رہنما اور سینیٹر رضا ربانی کی دائر کردہ درخواست یہ کہتے ہوئے مسترد کر دی کہ عدالت اس ترمیم کا جائزہ نہیں لے رہی بلکہ اس سے متعلق چند ہسپتالوں کی تحلیل کا مسئلہ عدالت کے سامنے ہے۔
قابل ذکر ہے کہ پاکستان پیپلز پارٹی کے سینیٹر میاں رضا ربانی نے اٹھارویں ترمیم کے تحت صحت کے شعبوں میں وفاق اور صوبوں کے اختیارات کا جائزہ لینے کے لیے فل کورٹ بنانے کی اپیل کی تھی۔
عدالت نے فل کورٹ بنانے کی استدعا مسترد کر دی تاہم وفاق اور صوبہ پنجاب کو اگلی سماعت کے لیے نوٹس جاری کر دیا۔
