SAHAR

پاکستان کی وزارت داخلہ نے آسان ویزہ پالیسی کا باضابطہ اعلان کر دیا ہے جس سے ایران سمیت اڑتالیس ممالک کے شہری فائدہ اٹھا سکیں گے۔

اسلام آباد میں پاکستان کی وزارت داخلہ کے جاری کردہ بیان میں کہا گیا ہے کہ ایران سمیت دنیا کے اڑتالیس ممالک کے شہریوں کو ملک بھر کے ہوائی اڈوں پر ویزا دینے کی سہولت فراہم کر دی گئی ہے۔
حکومت پاکستان کی جاری کردہ فہرست میں ایران کے علاوہ برازیل، جرمنی، ہندوستان، ملائیشیا، روس، ترکی، چین، سری لنکا، آسٹریلیا اور ڈینمارک کے نام بھی شامل ہیں۔
 افغانستان، امریکہ اور برطانیہ کو اس سہولت سے محروم رکھا گیا ہے اور ان ممالک کے شہریوں کو پاکستان آنے سے قبل ویزا حاصل کرنا ہو گا۔
 پاکستان کے وزیر اعظم عمران خان نے گزشتہ ماہ فروغ سیاحت کی پالیسی کے تحت اوپن ویزا پالیسی بنانے کا اعلان کیا تھا۔