ایران،پاکستان سرحد پر سیکورٹی اہلکاروں میں اضافہ: پاکستان
پاکستانی فوج کے ترجمان نے کہا ہے کہ حکومت پاکستان نے ایران کے ساتھ مشترکہ سرحدوں کی حفاظت کیلئے سیکورٹی اہلکاروں کی تعداد میں اضافہ کیا ہے۔
پاکستانی فوج کے شعبہ تعلقات عامہ کے ترجمان میجر جنرل آصف غفور نے اسلام آباد میں ایک پریس کانفرنس کے دوران مشترکہ سرحدوں کو مزید پر امن بنانے کیلئے پاکستان اور ایران کے درمیان تعاون کے حوالے سے کہا کہ حکومت پاکستان نے نہ صرف سرحدی علاقوں میں سیکیورٹی اہلکاروں کی تعداد میں اضافہ کیا ہے بلکہ حساس علاقوں کی سختی سے نگرانی کر رہا ہے۔
انہوں نے کہا کہ پاکستان کے سرحدی اہلکار (ایف سی) ایران سے ملحقہ پاکستانی صوبے بلوچستان کی سکیورٹی کے ذمہ دار ہیں اور وہ ان دنوں ایران کیساتھ مشترکہ سرحدوں کی نگرانی کیلئے اس علاقے میں موجود ہیں۔
میجر جنرل آصف غفور نے مزید کہا کہ پہلی بار کیلئے پاکستان کے سرحدی اہلکاروں کو دو گروپوں شمالی اور جنوبی اہلکاروں میں تقسیم کیا گیا ہے اور ایران کیساتھ مشترکہ سرحدوں کی نگرانی جنوبی اہلکاروں کی ذمہ داری ہے۔
انہوں نے کہا کہ پاک ایران سرحدیں، امن اور دوستی کی سرحدیں ہیں اور ہم ہمیشہ ان سرحدوں میں امن اور دوستی کو قائم رکھیں گے۔
میجر جنرل آصف غفور نے مزید کہا کہ پاک ایران سرحدیں، پاک افغان سرحدوں سے بالکل الگ ہیں۔ ایرانی سرحدیں پاکستان کیلئے کوئی خطرہ نہیں ہیں اور علاقے کی امن و سلامتی کی فراہمی کیلئے ایران اور پاکستان کے درمیان مثبت اور تعمیری تعاون برقرار ہے۔
