لاہور: داتا دربار کے قریب دھماکہ 22 افراد جاں بحق و زخمی
May ۰۸, ۲۰۱۹ ۰۸:۵۹ Asia/Tehran
دھماکے کی نوعیت کا فوری طور پر اندازہ نہیں ہوا ہے۔
پاکستان کے صوبہ پنجاب کے شہر لاہور میں داتا دربار کے قریب دھماکہ ہوا ہے، جس کے نتیجے میں 2 افراد جاں بحق جبکہ 20 زخمی ہوئے ہیں۔ جبکہ بعض ذرائع کا کہنا ہے کہ دھماکے میں 5 افراد جاں بحق ہوئے۔
ذرائع کے مطابق لاہور لوئر مال پر داتا دربار کے قریب مین روڈ پر ایلیٹ فورس کی گاڑی کے قریب دھماکہ ہوا ہے۔
دھماکے کی نوعیت کا فوری طور پر اندازہ نہیں ہوا ہے۔
پولیس کا کہنا ہے کہ بظاہر لگ رہا ہے کہ ایلیٹ فورس کی گاڑی کو نشانہ بنایا گیا ہے۔
پولیس اور ریسکیو حکام جائے وقوع پر پہنچ گئے ہیں، ریسکیو ٹیموں نے امدادی کام شروع کر دیا ہے، علاقے کو گھیرے میں لے کر لوگوں کو وہاں جانے سے روکا جا رہا ہے۔
