SAHAR

پاکستان پیپلز پارٹی کے چیئرمین بلاول بھٹو زرداری نے کہا ہے کہ پاکستانی عوام کی معاشی اور رفاہی حالت کو بہتربنانے کے لئے ایران کے ساتھ تجارتی اور سفارتی تعلقات ناگزیر ہیں۔

پاکستان پیپلزپارٹی کے چیئرمین بلاول بھٹو اور اسلام آباد میں متعین ایرانی سفیر مہدی ہنردوست نے اسلام آباد میں اہم دوطرفہ معاملات اور علاقے کی صورتحال پر بات چیت کی۔
بلاول بھٹو زرداری اور مہدی ہنردوست نے ایران پاکستان گیس پائپ لائن پروجیکٹ کی تکمیل کی راہوں کا بھی جائزہ لیا۔
دو ہمسایہ ممالک کی حیثیت سے اسلامی جمہوریہ ایران اور پاکستان کے گہرے دوستانہ تعلقات ہیں۔
پاکستان میں ایران کے سفارت خانے کے اعلان کردہ اعداد و شمار کے مطابق دوہزار اٹھارہ میں دونوں ملکوں کا تجارتی حجم ایک ارب ایک سو اٹھائیس ملین ڈالر تھا۔