SAHAR

پاکستان کے وزیرخارجہ شاہ محمود قریشی او آئی سی کی وزرائے خارجہ کونسل کے اجلاس میں شرکت کے لئے سعودی عرب روانہ ہوگئے ۔

پاکستان کے وزیرخارجہ شاہ محمود قریشی نے سعودی عرب روانگی سے قبل  ذرائع ابلاغ کے نمائندوں سے گفتگو کرتے ہوئے کہا کہ آج او آئی سی کی  وزرائے خارجہ کونسل کے اجلاس میں شرکت کیلئے سعودی عرب روانہ ہو رہا ہوں جہاں  او آئی سی سربراہی اجلاس کے ایجنڈے کو حتمی شکل دی جائے گی۔

شاہ محمود قریشی نے کہا کہ یہ اجلاس اس لیے بھی بہت اہمیت کا حامل ہے کہ اس اجلاس میں مشرقِ وسطیٰ کی صورتحال پر تبادلہ خیال کیا جائے گا۔

وزیر خارجہ شاہ محمود قریشی نے کہا کہ ایک نیا امن منصوبہ جس کا تذکرہ ہو رہا ہے اس پر بات چیت ہوگی اور ایران، امریکہ کشیدگی اور تناؤ کے حوالے سے بھی گفتگو کا امکان ہے۔