پاکستان میں مذہبی آزادی سے متعلق امریکی رپورٹ جانب دارانہ
Jun ۲۹, ۲۰۱۹ ۱۱:۰۱ Asia/Tehran
پاکستان کا کہنا ہے کہ اس نے مغربی ممالک اور امریکا میں اسلامو فوبیا کے خلاف آواز اٹھائی ہے۔
پاکستانی میڈیا کے مطابق پاکستان نے مذہبی آزادی سے متعلق امریکی رپورٹ کو مسترد کرتے ہوئے کہا ہے کہ رپورٹ جانب دارانہ اور حقائق کے منافی ہے اور اندرونی معاملات پر مفروضوں پر مبنی رپورٹ کی حمایت نہیں کی جاسکتی۔
دفتر خارجہ کی جانب سے جاری کردہ بیان میں کہا گیا ہے کہ پاکستان ایک کثیر المذہبی اور کثیر الثقافتی ملک ہے جس میں تمام عقائد کے لوگوں کے حقوق کو آئینی تحفظ حاصل ہے پاکستان انسانی حقوق کے جامع نیشنل ایکشن پلان پر عمل کر رہا ہے۔
پاکستان نے کہا ہے کہ اسلام آباد عدم برداشت کے خاتمے کی کوششوں میں عالمی برادری کا ساتھ دیتا رہے گا، پاکستان مغربی ممالک اور امریکا میں اسلامو فوبیا کے خلاف آواز اٹھا چکا ہے۔
