ایران کے ساتھ تعلقات کی مضبوطی خارجہ پالیسی کی ترجیحات: عمران خان
پاکستان کے وزیر اعظم نے کہا کہ ایران کے ساتھ دو طرفہ تعلقات کو مضبوط بنانا ہماری خارجہ پالیسی کی اہم ترجیحات میں شامل ہے۔
پاکستان کے وزیر اعظم عمران خان نےجمعرات کے روز اسلام آباد میں افریقی ممالک میں تعینات پاکستانی سفیروں کے ساتھ ایک اجلاس سے خطاب میں دنیا کے ممالک کے ساتھ تعلقات بڑھانے کا حوالہ دیتے ہوئے کہا ہے کہ اسلامی جمہوریہ ایران کے ساتھ دو طرفہ تعلقات کو مضبوط بنانا ہماری خارجہ پالیسی کی اہم ترجیحات میں شامل ہے۔
اس موقع پر انہوں نے کہا کہ ایران کے ساتھ کثیرالجہتی تعلقات کو بڑھانا ہماری حکومت کی سفارتی کامیابی کی علامت ہے۔
عمران خان نے ماضی کی جنگ میں امریکہ کے ساتھ پاکستان کی شمولیت کے تباہ کن نتائج پر روشنی ڈالتے ہوئے اس بات پر زور دیا کہ دوسروں نے ہم پر دھوکہ دہی اور دوہری کھیل کھیلنےکا الزام عائد کیا لیکن پاکستان کو اس کا نقصان ہوچکا ہے اور اب ایک متعصبانہ رویہ کے بجائے مفاہمت اور ثالثی کی راہ پر گامزن ہے۔
