SAHAR

اسلام آباد میں پاکستانی وزارت خارجہ کے جاری کردہ بیان کے مطابق پاکستان اور قطر کے درمیان انتہائی دوستانہ تعلقات قائم ہیں۔ پاکستانی وزیراعظم کے اس دورے کا مقصد باہمی تعاون کو مستحکم کرنے اور علاقائی ترقی پر تبادلہ خیال کرنا ہے۔

پاکستان کے وزیر اعظم کا یہ  دورہ ایسے وقت میں کیا جارہا جب دو روز بعد قطر کے دارالحکومت دوحہ میں ہی امریکا اور طالبان کے درمیان امن معاہدے پر دستخط کی تقریب ہونے والی ہے۔ 

وزیراعظم کا منصب سنبھالنے کے بعد عمران خان کا یہ دوسرا دورہ قطر ہے۔

اس سے پہلے امیر قطر شیخ تمیم بن حمد آل ثانی نے باہمی تعلقات اور تعاون کے فروغ کی غرض سے گزشتہ سال پاکستان کا دورہ کیا تھا۔