ایران پاکستان تعلقات کے فروغ پر تاکید
Mar ۰۵, ۲۰۲۰ ۱۶:۱۷ Asia/Tehran
ایران کے سفیر سید محمد علی حسینی نے پاکستانی وزیر برائے بحری امور سید علی حیدر زیدی کے ساتھ ملاقات میں سمندری کے شعبے میں مشترکہ تعلقات کے فروغ پر زور دیا۔
اسلام آباد سے ہمارے نمائندے کے مطابق، سید محمد علی حسینی نے پاکستانی وزیر اعظم کے حالیہ دورہ ایران کے دوران سمندری کے شعبے میں طے پانے والے معاہدوں پر عمل درآمد کرنے کی ضرورت پر بھی زور دیا۔
انہوں نے ایران اور پاکستان کے درمیان اقتصادی تعلقات کے فروغ کی اہمیت پر زور دیتے ہوئے کہا کہ ہم دونوں قوموں کے مابین صحت، سیاحت، بالخصوص مذہبی سیاحت کی ترقی سمیت عوامی تعلقات کو بڑھانے کے لیے کوشاں ہیں۔
اس موقع میں پاکستان کے وزیر بحری امور علی حیدر زیدی کا کہنا تھا کہ ہم ایران کے ساتھ سمندری تعلقات کے فروغ کے ساتھ ساتھ کورونا وائرس سے نمٹنے کے لیے باہمی تعاون بڑھانے کے خواہاں ہیں۔
فریقین نے مشترکہ سرحدی علاقوں میں سیکورٹی کے فروغ، اسمگلنگ سے نمٹنے اور باہمی تجارتی تعلقات کو مضبوط بنانے کی راہوں کا بھی جائزہ لیا۔
