SAHAR

پاکستان میں کورونا وائرس کی دوسری لہر شروع ہونے کے بعد ملک بھر میں نیشنل کرونا کمانڈ اینڈ آپریشن سینٹر کے فیصلوں پر سختی سے عملدرآمد شروع کردیا گیا ہے۔

میڈیا رپوٹوں کے مطابق ہفتے سے ماسک نہ پہننے والوں پر ایک سو روپے سے پانچ سو روپے جرمانہ عائد کیا جائے گیا جبکہ بیس نومبر سے ملک بھر میں شادی ہالوں میں تقریبات کے انعقاد پر پابندی عائد کردی گی ہے جو اکتیس جنوری تک جاری رہے گی۔ سرکاری و نجی دفاتر میں عملے کی تعداد پچاس فیصد تک کم کردی گئی ہے۔

پاکستان میں کورونا وائرس کے کیسز اور اس سے اموات میں کمی کے بعد اب کورونا کیسز میں اضافہ ہو رہا ہے۔

 گزشتہ چوبیس گھنٹے کے دوران کورونا وائرس کے مزید ایک ہزار پانچ سو معاملات سامنے آئے،  جبکہ مزید بیس افراد زندگی کی بازی ہار گئے، اس دوران آٹھ سو بارہ مریض اس بیماری سے شفایاب ہو گئے۔