عراقی سیاست میں خودمختاری پر تاکید، امریکی مداخلت مسترد

Feb ۲۲, ۲۰۲۶ ۱۹:۱۱ Asia/Tehran

عراق کے سیاسی اتحاد دولت قانون نے کہا ہے کہ امریکہ عراق پر اپنی مرضی مسلط نہیں کر سکتا، داخلی فیصلے قومی ارادے سے ہوں گے

سحرنیوز/عالم اسلام: موصولہ رپورٹ کے مطابق عراق کے سیاسی اتحاد دولت قانون کے رکن ولید الاسدی نے واضح کیا ہے کہ امریکہ ہرگز اپنی خواہشات عراق پر مسلط نہیں کرسکتا اور ملکی قیادت کا انتخاب خالصتا قومی ارادے کے تحت انجام پائے گا۔

ولید الاسدی نے کہا کہ عراق کے اندرونی سیاسی معاملات اور سربراہان کے انتخاب کا عمل داخلی اتفاق رائے سے طے ہوتا ہے۔ بیرونی دباؤ سیاسی مفاہمت کے عمل کو تبدیل نہیں کرسکتا۔

ہمیں فالو کریں:

انہوں نے مزید کہا کہ کسی بھی بیرونی مداخلت کو عراق کے داخلی امور میں کھلی مداخلت تصور کیا جائے گا۔ وزارت عظمی کے امیدوار کے تعین کا حتمی فیصلہ بھی بیرونی دباؤ سے بالاتر ہوکر اتحاد میں شامل گروہ باہمی مشورے سے کریں گے۔ واضح رہے کہ امریکی صدر ڈونلڈ ٹرمپ نے نوری المالکی کے وزارت عظمی کے ممکنہ امیدوار ہونے پر اعتراض کیا تھا۔