SAHAR

جہاز میں ایندھن کی کمی کے سبب ہندوستان کی ائیر ایمبیولینس نے پاکستان میں ایمرجنسی لینڈنگ کی ہے۔

پاکستانی ذرائع کے مطابق کلکتہ سے دوشنبہ جانی والی ایئر ایمبولینس کی اسلام آباد ائیر پورٹ پر ایمرجنسی لینڈنگ کروائی گئی۔ اس سے قبل ہندوستانی ایئر ایمبیولینس نے پاکستان سول ایوی ایشن سے ایمرجنسی لینڈنگ کیلئے رابطہ کیا تھا۔

ذرائع کا کہنا ہے کہ سول ایوی ایشن نے ہندوستانی ائیر ایمبیولینس کو ائیرپورٹ پر اترنے کی اجازت دے دی۔ جہاز میں ایندھن کی کمی کے سبب ایمرجنسی لینڈنگ کرائی گئی۔ ہندوستانی ائیر ایمبولینس میں برطانوی مریض ڈاکٹر اور دو نرسیں سوار تھے۔ سول ایوی ایشن حکام نے معاملے سے برطانوی ہائی کمیشن کو بھی تفصیلات سے آگاہ کر دیا۔