SAHAR

ہندوستان نے ٹی ٹوئنٹی ورلڈ کپ کے لئے پاکستانی کھلاڑیوں کو ویزے جاری کرنے کے فیصلے کا اعلان کر دیا ہے۔

پاکستانی میڈیا کی رپورٹوں کے مطابق حکومت ہندوستان کے اس فیصلے کی خبر انڈین کرکٹ بورڈ ، بی سی سی آئی کے سیکریٹری جے شاہ نے دی ہے۔

ہندوستانی ذرائع کے حوالے سے اس رپورٹ میں بتایا گیا ہے کہ پاکستانی کرکٹ ٹیم کے لئے ویزے کا مسئلہ حل ہوگیا ہے تاہم ابھی یہ  پاکستانی شائقین کو ویزے جاری کئے جانے سے متعلق کوئی خبر سامنے نہیں آئی ہے۔ اس رپورٹ کے مطابق ہندوستانی کرکٹ بورڈ کے سیکریٹری نے بتایا ہے کہ اس بارے میں بعد میں فیصلہ کیا جائے گا۔
رپورٹ میں بتایا گیا ہے کہ ہندوستانی کرکٹ بورڈ نے ٹی ٹوئنٹی ورلڈ کپ کے میچوں کے لئے نو مقامات کا فیصلہ کیا ہے جن میں احمد آباد، دہلی، ممبئی، چنئی، کولکتہ ، بنگلور، حیدرآباد اور دھرم شالہ شامل ہیں۔