افغان فوجی ، افغان حکام کے حوالے
پاکستان کا کہنا ہے کہ افغانستان میں طالبان کے حملوں کے دوران پاکستان جانے آنے 5 افسروں سمیت 46 افغان فوجیوں کو ان کے ہتھیاروں اور آلات سمیت نواں پاس کے مقام پر افغان حکام کے حوالے کر دیا گیا۔
پاکستانی فوج کے شعبہ تعلقات عامہ (آئی ایس پی آر) کے مطابق چترال کے ارندو سیکٹر کے پاس پاکستان اور افغان بارڈر پر تعینات افغان فوجی کمانڈر نے پناہ کیلئے پاکستانی فوج کے ساتھ رابطہ کیا، افغان کمانڈر کی درخواست پر پاکستانی فوج کی طرف سے افغان حکام سے رابطہ کیا گیا، جس کے بعد افغان فوجیوں کو پاکستان میں داخلے کی اجازت دے دی گئی ۔
آئی ایس پی آر کے مطابق اس سے قبل یکم جولائی کو بھی 35 افغان فوجیوں نے پاکستانی فوج سے پناہ کی درخواست کی تھی، ان اہلکاروں کو بھی محفوظ پناہ فراہم کرنے کے بعد افغان حکام کے حوالے کر دیا گیا تھا۔
واضح رہے کہ افغانستان میں طالبان کی جانب سے کئی علاقوں پر قبضہ کرنے اور شدید جھڑپوں کے بعد کئی افغان فوجی افغانستان کے ہمسایہ ممالک میں پناہ لینے پر مجبور ہوئے ہیں ۔
