SAHAR

عمران خان کی کراچی آمد کے موقع پر پیپلز پارٹی نے مہنگائی کے خلاف احتجاج کیا ہے۔

پاکستانی میڈیا رپورٹوں کے مطابق کراچی کے ایمپریس مارکٹ کے سامنے ہونے والے احتجاجی مظاہرے میں پارٹی کارکنوں کے ساتھ ہی کئی اہم رہنماؤں نے بھی شرکت کی جن میں صوبائی وزیر سعید غنی، شہلا رضا ، شاہدہ رحمانی اور ایوب کھوسہ بھی شامل تھے۔ اس موقع پر پیپلز پارٹی کے رہنماؤں نے اپنے خطاب میں کہا کہ آج پورے ملک میں مہنگائی کے خلاف احتجاجی مظاہرے ہورہے ہیں ۔ پی پی پی رہنماؤں نے جمعے کے مظاہروں کو عمران خان کی قیادت میں وفاقی حکومت کے خلاف ریفرنڈم قرار دیا۔سندھ کی صوبائی حکومت کی سرپرستی میں پیپلزپارٹی کے کارکنوں نے یہ مظاہرہ ایسے وقت میں کیا کہ وزیر اعظم عمران خان گرین لائن بسوں کا افتتاح کرنے کے لئے کراچی میں موجود تھے۔