SAHAR

پاکستان کے وزیر اعظم نے کہا ہے کہ امریکہ نے پاکستان کو دوستی میں ڈرون حملوں کا تحفہ دیا۔

پاکستان کے وزیر اعظم عمران خان نے اب سے تھوڑی دیر قبل پاکستانی قوم سے ٹیلی ویژن پر خطاب کرتے ہوئے کہا کہ ہم امریکہ کے اتحادی تھے اور امریکہ پاکستان کواپنا دوست ملک کہتا تھا لیکن بد قسمتی سے امریکہ نے اس جنگ میں جس میں پاکستان نے اس کا ساتھ دیا ہم پر ڈرون حملے شروع کئے۔ انہوں نے کہا کہ امریکہ سے دوستی کا پاکستان کو بہت نقصان ہوا۔

عمران خان نے کہا کہ نائن الیون میں کوئی بھی پاکستانی ملوث نہیں تھا لیکن اس کے باوجود امریکہ نے پاکستان کے خلاف کارروائی کی۔

پاکستان کے وزیراعظم نے کہا کہ ہماری خارجہ پالیسی آزاد ہونی چاہئیے اور ہم پاکستان کی خارجہ پالیسی کو آزاد بنائیں گے۔