پاکستان؛ ژوپ کینٹ پر پھر دہشت گردانہ حملہ، فوج کی جوابی کاروائی سے ناکام
-
فائل فوٹو
گزشتہ رات دہشت گردوں نے ژوب میں کینٹ کے علاقے میں حملہ کرکے فوجی حساس علاقے میں داخل ہونے کی کوشش کی لیکن سیکورٹی فورسز کی جوابی کاروائی سے ان کا حملہ ناکام بنا دیا گیا۔
سحرنیوز/پاکستان: پاکستانی میڈیا کی رپورٹ کے مطابق گزشتہ شب ڈھائی بجے ژوب کینٹ کے علاقے میں شدید فائرنگ اور دھماکوں کی آوازیں سنی گئیں جو کئی گھنٹوں تک جاری رہیں۔
رپورٹ کے مطابق پاکستانی حکام نے ژوب کینٹ میں دہشت گردانہ حملے کی تصدیق کرتے ہوئے بتایا کہ یہ حملہ ائیرپورٹ روڈ کی سمت سے کیا گیا تھا لیکن سیکورٹی فورسز الرٹ کی حالت میں تھیں اور ان دہشت گردوں کے خلاف جوابی کاروائی کی گئی جب کہ فائرنگ اور دھماکوں کی آوازیں صبح تک سنائی دیتی رہیں۔
ابھی تک اس حوالے سے ممکنہ جانی و مالی نقصان کی اطلاعات موصول نہیں ہوئی ہیں۔
گزشتہ ہفتے بھی دہشتگردوں نے اس کینٹ پر حملہ کیا تھا جس میں نو سکیورٹی اہلکاروں کی موت ہو گئی تھی۔
