سائفر ٹرائل کالعدم قرار دینے کا اسلام آباد ہائی کورٹ کا فیصلہ سپریم کورٹ میں چیلنج
Jan ۱۹, ۲۰۲۴ ۱۴:۳۹ Asia/Tehran
پاکستان کی وفاقی حکومت نے سابق وزیراعظم عمران خان کے خلاف جیل میں سائفر ٹرائل کالعدم قرار دینے کا اسلام آباد ہائی کورٹ کا فیصلہ سپریم کورٹ میں چیلنج کر دیا۔
سحر نیوز/ پاکستان: درخواست میں وفاقی حکومت نے سپریم کورٹ سے استدعا کی ہے کہ اسلام آباد ہائی کورٹ کا 21 نومبر 2023ء کا فیصلہ کالعدم قرار دیا جائے ۔ وفاقی حکومت نے درخواست میں موقف اختیار کیا ہے کہ اسلام آباد ہائی کورٹ نے حقائق کا درست جائزہ نہیں لیا۔
درخواست میں موقف اپنایا گیا ہے کہ اسلام آباد ہائی کورٹ نے سائفرٹرائل کے لیے قائم خصوصی عدالت کو کالعدم قرار دیا۔ وفاقی حکومت کا اپنی درخواست میں مو قف ہے کہ ہائی کورٹ کے پاس خصوصی عدالت کی حیثیت ختم کرنے کا اختیار نہیں ہے۔
