علامہ راجا ناصر عباس جعفری نے پاکستان حکومت کو کیا خبردار
مجلس وحدت مسلمین کے سربراہ سینیٹر علامہ راجا ناصر عباس جعفری نے علی امین کو مخاطب کرتے ہوئے حکومت پاکستان کو خبردار کیا ہے کہ عوام کو مزید مجبور نہ کیا جائے۔
پاکستانی میڈیا نے رپورٹ دی ہے کہ مجلس وحدت مسلمین کے سربراہ سینیٹر علامہ راجا ناصر عباس جعفری نے کہا ہے کہ پاراچنار میں حالات انتہائی سخت ہوچکے ہیں، کئی ماہ سے راستے بند ہونے کے باعث شہریوں کو رمضان المبارک میں بھی اشیائے خوردونوش کی شدید قلت کا سامنا ہے۔ انہوں نے کہا کہ حکومت اور ریاست خاموش تماشائی بنی ہوئی ہیں، جبکہ عوام شدید مشکلات سے دوچار ہیں۔
ان کا کہنا تھا کہ وفاقی اور صوبائی حکومتیں صرف بیان بازی تک محدود رہتی ہیں اور عملی اقدامات نہیں کر تیں۔ سینیٹر علامہ راجا ناصر عباس جعفری نے علی امین کو مخاطب کرتے ہوئے کہا کہ ہمارا صبر لے ڈوبے گا، عوام کو مزید مجبور نہ کیا جائے۔ قابل ذکر ہے کہ پاکستان میں کئی مہینوں سے پاراچنار کا محاصرہ جاری ہے۔ اور حکومت محاصرہ ختم کرانے کے اپنے کسی بھی وعدے کو اب تک پورا نہیں کر سکی ہے۔
