SAHAR

پاکستان پیپلزپارٹی کے چیئرمین حکومت پاکستان کے سفارتی وفد کے سربراہ بلاول بھٹو زرداری نے کہا ہے کہ ہندوستان کے ساتھ جنگ بندی ہوئي ہے امن برقرار نہيں ہوا

 سحرنیوز/پاکستان: لندن میں اپنے ایک بیان میں پاکستان پپیلزپارٹی کے چیئرمین نے جو پاکستان کے سفارتی وفد کے ہمراہ غیر ملکی دورے پر ہيں کہا کہ  پاکستان کشمیر اور پانی سمیت دیگر معاملات پر ہندوستان سے مذاکرات کا خواہاں ہے۔

انہوں نے کہا کہ پاکستان کا موقف ہے کہ مذاکرات اور سفارتکاری کے ذریعے ہی تمام مسائل کاحل تلاش کیا جاسکتا ہے۔

1بلاول بھٹوزرداری نے اپنے بیان میں کہا ہندوستان کے ساتھ تمام مسائل کا حل کشمیر سے ہو کر نکلتا ہے۔ 

ان کا کہنا تھا کہ ہندوستان نے پہلگام واقعہ کا ذمہ دار پاکستان کو قرار دے دیا اور اس نے کوئي ثبوت بھی پیش نہيں کیا۔ 

واضح رہے کہ ہندوستان کا کہنا ہے کہ پہلگام دہشت گردانہ حملے میں پاکستان ملوث ہے اور اسی لئے اس نے دہشت گردوں کے خلاف کارروائی کی تھی ۔