SAHAR

پاکستان کے قبائلی علاقے جنوبی وزیرستان میں ہونے والے ایک دھماکے میں کم سے کم دو افراد جاں بحق اور اٹھارہ دیگر زخمی ہو گئے۔

سحرنیوز/پاکستان: پاکستان کے میڈیا ذرائع کا کہنا ہے کہ پاکستان کے قبائلی علاقے جنوبی وزیرستان میں لوئر کے علاقے وانا رستم بازار میں ریموٹ کنٹرول بم دھماکے کے نتیجے میں دو افراد جاں بحق اور دو پولیس اہلکاروں سمیت اٹھارہ دیگر افراد زخمی ہوگئے۔

ڈی ایس پی عمران اللّٰہ کے مطابق ریموٹ کنٹرول بم دھماکا پولیس موبائل وین کے قریب ہوا۔ ڈی ایچ کیو اسپتال وانا میں ایمرجنسی نافذ کردی گئی ہے۔دھماکے میں زخمی ہونے والوں کو اسپتال منتقل کردیا گیا ہے جبکہ پولیس نے واقعے کی تفتیش شروع کردی ہے۔

ڈی ایس پی کے مطابق ڈی ایچ کیو وانا میں زیرِ علاج زخمیوں میں سے دو کی حالت تشویشناک ہے۔