پاکستان اور افغانستان کے درمیان دوسرے دور کے مذاکرات ختم
Oct ۲۶, ۲۰۲۵ ۱۵:۲۳ Asia/Tehran
اطلاعات کے مطابق استنبول میں پاکستان اور افغانستان کے درمیان ہونے والے مذاکرات کا دوسرا دور ختم ہوگیا ہے۔
سحرنیوز/پاکستان: میڈیا ذرائع کی رپورٹ کے مطابق پاکستان اور افغانستان کے وفود کے درمیان مذاکرات استنبول کے ایک ہوٹل میں ہوئے اور مذاکرات کی میزبانی ترکیہ کے اعلیٰ حکام نے کی۔
میڈیا ذرائع کے مطابق مذاکرات میں پاکستان نے افغان طالبان کو دہشت گردی کی روک تھام کے لئے جامع پلان دے دیا ہے۔ اطلاعات کے مطابق مذاکرات کے دوسرے دور میں قطر میں ہوئے پہلے دور کے مذاکرات میں طے پانے والے نکات پر عمل درآمد کا بھی جائزہ لیا گیا۔
ذرائع کے مطابق پاکستان کی جانب سے 2 رکنی وفد مذاکرات میں شریک ہوا جبکہ افغانستان کی طرف سے عبوری نائب وزیر داخلہ رحمت اللّٰہ مجیب نے وفد کی قیادت کی۔
