SAHAR

ہندوستان کی کرکٹ ٹیم نے ٹی ٹوئنٹی سیریز کے تیسرے اور آخری میچ میں سری لنکاکو شکست دے کر یہ سیریز دو ایک سے جیت لی -

ہندوستان کے جنوبی شہر وشاخاپٹنم میں کھیلے گئے سیریز کے تیسرے اور آخری میچ میں ہندوستان نے سری لنکا کو نو وکٹوں سے شکست دے دی -

سری لنکا نے پہلے بیٹنگ کرتے ہوئے صرف بیاسی رن بنائے سری لنکا کی پوری ٹیم اٹھارہ اوور میں ہی آوٹ ہوگئی -

سری لنکا کی طرف سے سہناکا اور پریرا نے سب سے زیادہ انیس اور بارہ رن بنائے اس کے علاوہ کوئی بھی بیٹسمین ڈبل فیگر میں داخل نہیں ہوسکا -

ہندوستان کے گیند باز اشون نے چار وکٹ لئے-

جواب میں ہندوستان نے ایک وکٹ کے نقصان پر یہ ہدف آسانی کے ساتھ پورا کرلیا-

ہندوستان کی طرف سے شیکھر دھون اور رائنا چھیالیس اور بائیس رن بناکر ناٹ آؤٹ رہے -

ہندوستانی گیندباز اشون کو میچ کا بہترین کھلاڑی قراردیا گیا -