ایران کی ایشین کشتی مقابلوں میں فتح، رہبرانقلاب اسلامی اور صدر کی مبارکباد
Apr ۲۶, ۲۰۱۹ ۱۱:۱۲ Asia/Tehran
چین میں ایشین فری اسٹائل کشتی مقابلوں میں اسلامی جمہوریہ ایران کے پہلوانوں کی فتح پر رہبرانقلاب اسلامی اور صدر مملکت نے مبارکباد دی۔
رہبرمعظم انقلاب اسلامی حضرت آیت اللہ العظمی خامنہ ای نے ایشیائی مقابلوں میں ایشین چیمپئن شپ جیتنے پر ایرانی کشتی ٹیم کے کھلاڑیوں کو مبارکبادپیش کرتے ہوئے فرمایا: انشا اللہ آپ سربلند رہیں ۔
صدر مملکت حسن روحانی نے بھی اپنے پیغام میں قومی ٹیم کی شاندارکارکردگی کو سراہا۔
انہوں نے وطن عزیز کا نام روشن کرنے پر پہلوانوں کے لئے نیک تمناؤں کا اظہارکیا۔
واضح رہے کہ بدھ کے روز چین میں اڈلٹ پہلوانوں کے فری اسٹائل مقابلوں کا اختتام ہوا جس میں ایران کی قومی ٹیم نے 7 طلائی اور 3 کانسی کے تمغے اپنے نام کئے۔
ان مقابلوں میں ایران کے بعد ہندوستان اور قزاقستان کی ٹیموں نے دوسری اور تیسری پوزیشن حاصل کی۔
