ورلڈ کپ کرکٹ: انگلینڈ و بنگلہ دیش اور افغانستان و نیوزی لینڈ آمنے سامنے
پاکستان اور سری لنکا کی ٹیموں کے درمیان کل ہونے والا میچ بارش کی نذر ہوگیا تھا جس کے نتیجے میں دونوں ٹیموں کو ایک ایک پوائنٹ دیا گیا ۔
برطانیہ میں جاری کرکٹ ورلڈ کپ 2019 کے سلسلے میں آج (بروز ہفتہ) 2 میچز ہوں گے۔
ایونٹ میں آج بنگلہ دیش کی ٹیم انگلینڈ جبکہ افغانستان کی ٹیم نیوزی لینڈ کے مد مقابل آئے گی۔
آج کا پہلا جبکہ ایونٹ کا 12واں میچ انگلینڈ اور بنگلہ دیش کی ٹیموں کے درمیان کارڈف میں کھیلا جائے گا ۔
دونوں ٹمیوں کی ایک دوسرے کے خلاف کارکردگی کی بات کی جائے تو ان کے درمیان ہونے والے گذشتہ 5 میچز میں سے 3 میں انگلینڈ جبکہ 2 میں بنگلہ دیش نے کامیابی حاصل کی جس میں ایک ورلڈ کپ 2015 کا میچ بھی شامل ہے۔
آج کے دوسرے اور ورلڈ کپ کے 13ویں میچ میں افغانستان اور نیوزی لینڈ کی ٹمیں ٹکرائیں گی، یہ میچ ٹاؤنٹون میں کھیلا جائے گا ۔
اس سے قبل دونوں ٹیموں کے درمیان صرف ایک میچ ورلڈ کپ 2015 کے موقع پر کھیلا گیا تھا جس میں نیوزی لینڈ نے کامیابی حاصل کی تھی۔
گذشتہ روز پاکستان اور سری لنکا کی ٹیموں کے درمیان ہونے والا میچ بارش کی نذر ہوگیا تھا، جس کے نتیجے میں دونوں ٹیموں کو ایک، ایک پوائنٹ دے دیا گیا تھا۔
