SAHAR

ایران کی والی بال ٹیم نے عالمی لیگ کے مقابلوں میں اپنی کامیابی کا سلسلہ جاری رکھتے ہوئے میزبان ملک جاپان کو تین صفر سے ہرا دیا ہے۔

ٹوکیو میں ہونے والے والیبال عالمی لیگ کے مقابلوں میں ایران کی ٹیم نے شروع ہی سے جاپان پر دبدبہ قائم رکھا اور تمام سیٹوں میں اسے ناکام بنا دیا۔   
ایرانی کھلاڑیوں نے اپنی مہارت کے جوہر دکھاتے ہوئے تین مسلسل سیٹوں میں بالترتیب بائیس پچیس، اکیس پچیس اور بیس پچیس سے ہرا کر جاپان کا خواب چکناچور کر دیا۔
ایران کی والی بال ٹیم اب تک اٹلی، جرمنی، چین، ارجنٹائن  اور جاپان کو شکست دے چکی ہے اور سولہ پوانٹس کے ساتھ درجہ بندی کی تیسری پوزیشن پر آگئی ہے۔
واضح رہے کہ دو ہزار انیس والی بال ورلڈ لیگ مقابلوں کا تیسرا مرحلہ ایران میں منعقد ہو گا جس میں سولہ ٹیمیں حصہ لیں گی۔ ایرانی ٹیم جمعہ چودہ جون کو کینیڈا کی میزبانی کرے گی۔