SAHAR

اسلامی جمہوریہ ایران کی فٹبال کی قومی ٹیم ورلڈ کپ مقابلوں کے بی گروپ میں شامل ہے جس کے بارے میں فیفا نے کہا ہے کہ یہ وہ واحد گروپ ہے جس میں شامل تمام ٹیمیں دنیا کی بیس بہترین فٹبال ٹیموں میں شامل ہیں۔

رپورٹ کے مطابق، فٹبال کی عالمی فیڈریشن نے اس لحاظ سے بی گروپ کو ایک انتہائی خاص گروپ قرار دیا ہے جو کہ بہت ہی طاقتور ٹیموں پر مشتمل ہے۔ 

فیفا کی آخری رینکنگ کے مطابق، برطانیہ فٹبال کے میدان میں دنیا کی پانچویں پوزیشن پر ہے جبکہ امریکہ سولہویں، ویلز انیسویں اور ایران بیسویں پوزیشن پر ہے۔ اس سال فٹبال کے ورلڈ کپ مقابلے قطر میں اکیس نومبر سے لیکر اٹھارہ دسمبر تک منعقد ہو رہے ہیں۔

قابل ذکر ہے کہ ایران کی ٹیم آج صبح دوحہ کے لئے روانہ ہوچکی ہے۔ مقابلوں کے باضابطہ شروع ہونے سے پہلے پریکٹس سیشن اور دوستانہ میچ کا سلسلہ بھی جاری رہے گا۔