SAHAR

روس نے مطالبہ کیا ہے کہ بین الاقوامی اداروں کو امریکہ سے دیگرملکوں میں منتقل کیاجائے

روسی سینٹ میں بین الاقوامی امور کمیشن کے ڈپٹی چیئر مین نے دیگر ملکوں کے حکام کے خلاف پابندیاں عائد کرنے کے واشنگٹن کے اقدام پر نکتہ چینی کرتے ہوئے بین الاقوامی اداروں کو امریکہ سے دیگر ملکوں میں منتقل کرنے کا مطالبہ کیا ہے-

 ولادیمیر جاباروف نے ایتارتاس نیوز ایجنسی کے ساتھ انٹرویو میں کہا کہ رشین فیڈریشن کونسل (سینٹ) کی چیئرپرسن کے خلاف امریکی رویہ اور ان کو ویزا دینے سے انکار، نامناسب اقدام ہے۔رشین فیڈریشن کونسل (سینٹ) کی چیئر پرسن ویلنٹینا ماتوینکوف نے، محدود ویزا دیئے جانے کےسبب نیویارک میں جاری بین پارلیمانی اجلاس میں اپنی اور روسی وفد کی شرکت کو منسوخ کردیا -

ولادیمیر جاباروف نے کہا کہ بین الاقوامی اداروں اوراجلاسوں کے میزبان ملکوں کو چاہئے کہ وہ تمام شرکت کنندگان کے لئے غیرمحدود ویزا صادر کرنے کی پابندی کریں-

 اس روسی عہدیدار نے کہا کہ ہم تمام سیاستدانوں، تاجروں، ماہرین اورسیاسی حلقوں کے نمائندوں سے یہی درخواست کریں گے کہ وہ امریکہ میں منعقدہ کسی بھی اجلاس میں شرکت سے پہلے اچھی طرح فکر کریں-

 روس میں امریکی سفارتخانے نے اعلان کیا ہے کہ ماتوینکوف ایسا ویزا حاصل کرسکتی ہیں کہ جس سے اقوام متحدہ کے اجلاسوں میں شرکت کرسکتی ہیں لیکن اکتیس اگست سے دو ستمبر تک ہونے والے بین پارلیمانی اجلاس میں شرکت نہیں کرسکتیں-