SAHAR

شمالی کوریا نے انسانی حقوق سے متعلق امریکہ کی گذشتہ ہفتے کی رپورٹ پر شدید ردعمل ظاہر کیا ہے

پیونگ یانگ نے دیگر ملکوں خاص طور پر شمالی کوریا میں انسانی حقوق سے متعلق امریکہ کی گذشتہ ہفتے کی رپورٹ کی بابت شدید ردعمل ظاہر کرتے ہوئے کہا ہے کہ واشنگٹن اس مسئلے کو، خودمختار ملکوں پر دباؤ ڈالنے کے لئے بطور ہتھکنڈہ استعمال کر رہا ہے-

ارنا کی رپورٹ کے مطابق شمالی کوریا نے ایک بیان میں جو ہفتے کے روز شائع ہوا ہے، امریکی وزارت خارجہ کے اقدام کو ہٹ دھرمانہ قرار دیتے ہوئے کہا ہے کہ سب سے زیادہ امریکہ ہی دنیا میں انسانی حقوق کی خلاف ورزی کرنے والا ملک ہے-

پیونگ یانگ نے دھمکی دی ہے کہ وہ امریکہ کے اس دشمنانہ اقدام کے خلاف سخت ردعمل ظاہر کرے گا  شمالی کوریا کی نیوز ایجنسی نے رپورٹ میں کہا ہے کہ ان پروپگنڈوں سے امریکہ کا مقصد، پیونگ یانگ کی حکومت کا تختہ الٹنا اور عالمی برادری میں اس کا چہرہ بگاڑ کر پیش کرنا ہے-

امریکی وزارت خارجہ نے انسان حقوق سےمتعلق اپنی سالانہ رپورٹ میں چین پر بھی انسانی حقوق کی خلاف ورزی کا الزام لگایا ہے-