شمالی کوریا کا بیلسٹک میزائل کا تجربہ
Apr ۲۳, ۲۰۱۶ ۱۷:۱۳ Asia/Tehran
شمالی کوریا نے بیلسٹک میزائل کا ایک اور تجربہ کیا ہے۔
جنوبی کوریا کے فوجی ذرائع کا کہنا ہے کہ شمالی کوریا نے بیلسٹک میزائل کا یہ تجربہ ایک آبدوز کے ذریعے کیا ہے۔ جنوبی کوریا کی مشترکہ فوجی کمان کے جاری کردہ بیان کے مطابق شمالی کوریا نے مقامی وقت کے مطابق صبح ساڑھے چھے بجے کے قریب میزائل کا ایک تجربہ کیا ہے جو ممکنہ طور پر ایک آبدوز سے داغا جانے والے بیلسٹک میزائل ہے۔
جنوبی کوریا کی مشترکہ فوجی کمان نے اس بارے میں کچھ نہیں بتایا کہ شمالی کوریا کا یہ تجربہ کامیاب رہا یا ناکام ہو گیا۔
شمالی کوریا نے رواں سال کے اوائل میں اپنا چوتھا ایٹمی تجربہ کیا تھا جس کے بعد اقوام متحدہ کی سلامتی کونسل نے اس کے خلاف نئی پابندیاں عائد کر دی تھیں۔
