امریکہ نے علاقے کو ایٹمی جنگ کے دھانے پر کھڑا کردیا ہے: شمالی کوریا
شمالی کوریا نے کہا ہے کہ امریکہ اور جنوبی کوریانے علاقے کو ایٹمی جنگ کے دھانے پر پہنچا دیا ہے۔
شمالی کوریا کی سرکاری خبر رساں ایجنسی یون ہاپ کے مطابق وزارت خارجہ کے ترجمان نے امریکہ اور جنوبی کوریا کی فوجی مشقوں پر شدید ردعمل کا اظہار کرتے ہوئے اسے انتہائی اشتعال انگیز قرار دیا ہے۔
شمالی کوریا کی وزارت خارجہ کے ترجمان کا کہنا تھا کہ یہ جزیرہ نمائے کوریا کی تاریخ کا انتہائی اشتعال انگیز فوجی اقدام ہے جس نے علاقے کو ایٹمی جنگ کے دھانے پر لاکھڑا کیا ہے۔
شمالی کوریا کی وزارت خارجہ کے ترجمان کا کہنا تھا کہ فوجی مشقوں سے واضح ہوگیا ہے کہ امریکہ، شمالی کوریا کے خلاف پیشگی حملوں کا ارادہ رکھتا ہے۔
قابل ذکر ہے کہ امریکہ اور جنوبی کوریا کی سب سے طویل فوجی مشقیں دوماہ کے بعد ہفتے کے روز ختم ہوگئی ہیں۔ان مشقوں میں دونوں ملکوں کے تین لاکھ پندرہ ہزار فوجی شریک تھے۔
