SAHAR

چین نے جنوبی کوریا میں جدید ترین امریکی میزائل سسٹم کی تنصیب پر سخت ردعمل ظاہر کیا ہے۔

چین کی سرکاری خبر رساں ایجنسی کے مطابق نائب وزیر خارجہ لی باؤ دونگ نے واشنگٹن میں اپنی امریکی ہم منصب روز گوٹ موئلر کو بیجنگ کے موقف سے آگاہ کر دیا ہے ۔ شمالی کوریا کی جانب سے فروری کے اوئل میں کیے جانے والے میزائل تجربے کے بعد امریکہ نے جنوبی کوریا میں میزائل ڈیفینس سسٹم کی تنصیب کا آغاز کیا تھا۔

چین پہلے بھی کئی بار اس کی مخالفت کرچکا ہے اور اس کا کہنا ہے کہ امریکی میزائل سسٹم کی تنصیب سے جزیرہ نمائے کوریا کی کشیدگی میں اضافہ ہوگا۔ چین جزیرہ نمائے کوریا میں امریکی میزائل سسٹم کی تنصیب کو بیجنگ اور خطے کے دیگر ملکوں کی اسٹریٹیجک سیکورٹی کے لیے بھی خطرہ سمجھتا ہے۔