SAHAR

فرانس کی پولیس کا ایک ہیلی کاپٹر حادثے کا شکار ہو گیا ہے جس کے نتیجے میں ہیلی کاپٹر میں سوار سبھی پولیس اہلکار ہلاک ہو گئے۔

فرانس کی فوج نے جمعہ کو اس خبرکی تصدیق کرتے ہوئے کہا کہ پولیس کا یہ ہیلی کاپٹر ملک کے جنوبی پہاڑی علاقے کترت میں حادثے کا شکار ہوا۔

خبروں میں کہا گیا ہے حادثے میں چار پولیس اہلکار ہلاک ہوئے ہیں۔

اگرچہ فوری طور پر حادثے کی اصل وجہ نہیں بتائی گئی۔ تاہم کہا جا رہا ہے کہ یہ ہیلی کاپٹر پہاڑی علاقوں میں امدادی کارروائیوں کی مشقوں کے مشن پر تھا اور ایک پہاڑی سے ٹکرا گیا۔

فرانسیسی حکام کا کہنا ہے کہ حادثے کی تحقیقات کا آغاز کر دیا گیا ہے -