جرمن مسافر طیارے میں بم کی افواہ
Jun ۲۰, ۲۰۱۶ ۱۶:۵۷ Asia/Tehran
جرمنی میں ایک مسافر طیارے میں بم رکھنے کی غلط اطلاع کے بعد خصوصی حفاظتی اقدامات کے تحت طیارے کو زمین پر اتارا گیا
تسنیم نیوز ایجنسی نے جرمن ایئر ٹریفک کنٹرول کے حوالے سے رپورٹ دی ہے کہ ایئر برلن کی ایئر بس تین سو بیس اتوار کو میونخ سے ہیمبرگ جارہی تھی کہ میونخ پولیس کو اس مسافر طیارے میں بم رکھے جانے کی اطلاع ملی۔
اس اطلاع کے بعد خصوصی حفاظتی انتظامات کئے گئے ہیمبرگ ایئر پورٹ پر دوسرے طیاروں کی آمد ورفت کو روک دیا گیا اور اس طیارے کو اتارنے کے لئے، ہوائی اڈے پر موجود طیاروں سے دور ایک جگہ کا انتخاب کیا گیا۔
ایئربرلن کے اس طیارے میں ایک سو ستر مسافر اور عملے کے آٹھ افراد موجود تھے۔ ہیمبرگ ایئر پورٹ پر لینڈ کرنے کے بعد طیارے کی اچھی طرح تلاشی لی گئی لیکن کوئی بم نہ ملا۔
