امریکی وزیر خارجہ کی جانب سے دہشت گردی کے خلاف جنگ میں ایران کے مؤثر کردار کا اعتراف
Jun ۲۹, ۲۰۱۶ ۰۹:۵۱ Asia/Tehran
-
جان کیری کا کہنا تھا کہ اس وقت وہ اور ان کے ایرانی ہم منصب زیادہ آسانی کے ساتھ بین الاقوامی بحرانوں کو حل کر سکتے ہیں۔
امریکہ کے وزیر خارجہ جان کیری نے داعش کا مقابلہ کرنے کے لیے عراق میں ایران کی موجودگی کو مفید قرار دیا ہے۔
سی این این کی رپورٹ کے مطابق جان کیری نے منگل کے روز کہا کہ دہشت گردی کا مقابلہ کرنے کے لیے عراق میں ایران کے اقدامات مفید رہے ہیں۔ انھوں نے کہا کہ ایران نے واضح طور پر اپنی توجہ داعش پر مرکوز کر رکھی ہے۔
امریکی وزیر خارجہ کا کہنا تھا کہ اس وقت وہ اور ان کے ایرانی ہم منصب زیادہ آسانی کے ساتھ بین الاقوامی بحرانوں کو حل کر سکتے ہیں اور براہ راست رابطہ رکھ سکتے ہیں۔
داعش کے خلاف جنگ میں باراک اوباما کے خصوصی نمائندے برینٹ مک گرک نے بھی منگل کے روز اعتراف کیا ہے کہ عراق میں ایران کے اقدامات مفید اور مؤثر رہے ہیں۔
