SAHAR

امریکی ریاست ٹیکساس میں فائرنگ کے تازہ واقعات میں متعدد افراد ہلاک ہو گئے۔

ٹیکساس پولیس کے مطابق آسٹن سٹی میں مسلح شخص نے دو مقامات پر فائرنگ کردی جس کے نتیجے میں ایک خاتون ہلاک اور متعدد افراد زخمی ہو گئے جنہیں ہسپتال منتقل کر دیا گیا۔ 

موصولہ خبروں میں کہا جا رہا ہے کہ آسٹن کے علاقے میں کئی مقامات پر فائرنگ کی گئی جس کی وجہ سے متعدد افراد زخمی بھی ہوئے ہیں جنہیں مختلف مقامات سے ہسپتال منتقل کیا گیا ہے۔ فائرنگ کے بعد مقامی انتظامیہ نے لوگوں کو گھروں میں رہنے کی ہدایت کر دی ہے اور یہ بھی کہا گیا ہے کہ فائرنگ کرنے والے ملزمان مختلف علاقوں میں پھیلے ہوئے ہیں۔

پولیس حکام کا کہنا ہے کہ دو مقامات کو گھیرے میں لے لیا گیا ہے مگر گولیاں چلانے والوں کو تاحال گرفتار نہیں کیا جا سکا۔