لندن میں آتشزدگی متعدد افراد زخمی
لندن کے مشرقی علاقے میں ایک دھماکے کے بعد وسیع پیمانے پر آگ لگ گئی -
لندن سے موصولہ خبروں میں کہا گیا ہے کہ شہر کے مشرقی علاقے ہارن چرچ کی ایک عمارت میں دھماکے کے بعد زبردست آگ لگ گئی جس میں متعدد افراد زخمی ہوئے ہیں - پولیس کا کہنا ہے کہ اس سلسلے میں دو افراد کو حراست میں لے لیا گیا ہے -
برطانوی اخبار دی سن نے لکھا ہے کہ لندن کے محلے ہارن چرچ کی ایک عمارت میں دھماکے کے بعد زبردست آگ لگ گئی جو دیکھتے ہی دیکھتے پوری عمارت اور اطراف میں بھی پھیل گئی- آتشزدگی کے بعد آس پاس کے دسیوں مکانات اور گھروں کو خالی کرا لیا گیا - آگ پر قابو پانے کے لئے فائربریگیڈ کی دسیوں گاڑیاں وہاں پہنچ گئیں -
اخبار دی سن نے آن لائن ایڈیشن میں لکھا ہے کہ آگ پیر اور منگل کی درمیانی رات لگی اس سے پہلے عمارت کے تیسرے منزلے پر گیس کے دو سیلینڈروں میں دھماکہ ہوا - لندن کی پولیس کا کہنا ہے کہ اس سلسلے میں دو مشتبہ افراد کو گرفتار کرلیا گیا ہے البتہ چونکہ دونوں ہی مشتبہ افراد شدید زخمی ہیں اس لئے انہیں اسپتال منتقل کردیا گیا ہے -
