نیٹو نے جنگ کا خطرہ بڑھا دیا ہے : روس
May ۲۷, ۲۰۱۷ ۱۴:۵۶ Asia/Tehran
روسی حکومت نے کہا ہے کہ نیٹو کی روس کو کنٹرول کرنے کی کوششوں نے عملی طور پر جنگ کے خطروں کو بڑھا دیا ہے
روس کی وزارت خارجہ نے ایک بیان میں کہا ہے کہ نیٹو ، روس کو کنٹرول کرنے کی پالیسی اختیار کرتے ہوئے مشرقی یورپ میں اپنے فوجیوں کی تعداد بڑھا رہا ہے جس کا براہ راست اثر یہ ہوگا کہ علاقے میں جنگ کا امکان بڑھ جائےگا- روس کی وزارت خارجہ کے بیان میں آیا ہے کہ اس وقت روس اور نیٹو کے تعلقات سرد جنگ کے بعد کی نچلی ترین سطح پر پہنچ گئے ہیں- نیٹو نے روس کا مقابلہ کرنے کے لئے پولینڈ اور بالٹیک کے ممالک میں بڑی تعداد میں فوجی ساز و سامان تعینات کر دیئے ہیں -
