SAHAR

صیہونی فوج کے سربراہ نے کہا ہے کہ داعش کے ٹھکانوں پر ایران کا میزائلی حملہ دنیا والوں کے لئے یہ پیغام ہے کہ میزائلی طاقت کے میدان میں تہران انتہائی بلند مقام پر پہنچ گیا ہے۔

صیہونی اخبار ٹائمز اسرائیل نے لکھا ہے کہ اسرائیلی فوج کے سربراہ نے ہرٹزلیا میں ایک سالانہ اجلاس میں کہا ہے کہ شام کے علاقے دیرالزور میں داعش کے ٹھکانوں پر ایران کی سپاہ پاسداران کے میزائلی حملے نے اس بات کو ثابت کر دیا ہے کہ ایران، میزائلی توانائی کے لحاظ سے ایک طاقتور ملک ہے اور وہ بیلسٹک میزائلوں کا بھرپور استعمال کر سکتا ہے-

صیہونی فوج کے سربراہ نے کہا کہ تہران اپنے حملے سے اور زیادہ جدید میزائلی سسٹم تک رسائی اور علاقے میں بڑی طاقت بننے کی کوشش کرے گا-