SAHAR

صیہونی حکومت کے وزیر مواصلات نے کہا ہے کہ اسرائیل اور سعودی عرب کے درمیان تعلقات کے قیام کا امکان بڑھ گیا ہے۔

فلسطین انفارمیشن سینٹر کی رپورٹ کے مطابق ایوب قرا کا کہنا تھا کہ اسرائیل اور سعودی عرب، امریکہ کی وساطت سے معمول کے تعلقات قائم کرنے کی غرض سے مذاکرات کر رہے ہیں۔
 صیہونی حکومت کے وزیر مواصلات نے کہا کہ سعودی عرب اور اسرائیل کے درمیان، جن معاملات پر بات چیت جاری ہے ان میں اسرائیلی طیاروں کے لیے سعودی عرب کی فضائی حدود کھولنے، ریاض میں اسرائیل کے نمائندہ دفتر کا قیام اور بہت سے دوسرے معاملات شامل ہیں۔
 اسرائیل کے وزیر مواصلات نے یہ بات زور دے کر کہی کہ ایران کی جانب سے لاحق خطرات اسرائیل اور سعودی عرب تعلقات میں سرفہرست ہیں جبکہ مسئلہ فلسطین کو ثانوی حثیت حاصل ہے۔