SAHAR

روس کے وزیر خارجہ نے امریکہ اور مغرب کی پالیسیوں کو بحران یوکرین کی اصل وجہ قرار دیا ہے۔

جرمنی میں روس اور یورپی یونین کے حوالے سے ایک اجلاس سے خطاب کرتے ہوئے روسی وزیر خارجہ سرگئی لاؤروف نے کہا کہ امرکہ اور یورپی یونین کی تنگ نظرانہ پالیسیوں کی وجہ سے یوکرین میں بحران جاری ہے۔انہوں نے کہا کہ یوکرین کا بحران بیرونی ہے اور مینسک معاہدے پر علمدرآمد کے ذریعے اس بحران کو بہترین طریقے سے حل کیا جاسکتا ہے۔روس کے وزیر خارجہ نے امید ظاہر کی کہ جرمنی اور فرانس، امریکہ اور اپنے دیگر شرکا کے ساتھ مل کر بحران یوکرین کو حل کرنے کی کوشش کریں گے۔یوکرین میں اپریل دوہزار چودہ سے سرکاری فوج اور مخالفین کے درمیان جھڑپیں جاری ہیں جس کے باعث دس ہزار کے قریب لوگ مارے جاچکے ہیں۔